உண்மையான நண்பர் இயேசு என்ற தலைப்பில் இத்தாலிய மொழியில் ஒரு கவிதை வாசிக்க நேர்ந்தது. சிறந்த நண்பராக உண்மையான நண்பராக அவரைப்போல் யாராலும் இருக்க முடியாது .அவரைப் போல வாழவே, வாழ முயற்சிக்கவே நாம் அழைக்கப்படுகிறோம் என்று இருந்தது. அதில் , நம் தேவைகளில் உதவி செய்ய, தடம் மாறுகையில் வழிகாட்ட, தவறுகையில் மன்னிக்க,என்பதாக அவர் தம் நட்பு குணங்கள் விவரிக்கப்பட்டுஇருந்தன. மன்னிப்பு என்ற வார்த்தைக்கு இத்தாலிய மொழியில்PERDONO என்பர். DONOஎன்றால் பரிசு என்று அர்த்தம் .மன்னிப்பது பலருக்கும் சிரமம் தான் ஆனால் அதனை பிறருக்கு பரிசாக கொடுக்க வேண்டும் என்கிறார். பரிசை எல்லாருக்கும் கொடுக்க மாட்டோம் நமக்கு மிகவும் பிடித்த, நம்மால்அதிகம் அன்பு செய்யப்படுபவர்களுக்குத் தான் கொடுப்போம். அதிலும் நாம் கொடுக்கும் பரிசு மற்றவர் தரும் பரிசை விட சிறப்பானதாக இருக்க வேண்டும் என்று நினைப்போம். அப்படி இருக்க வேண்டுமாம் நமது மன்னிப்பு. நானும் உன்னை மன்னித்தேன் என் கண்முன் நிற்காதே என்பதல்ல மன்னிப்பு. மாறாக மன நிறைவோடு முழு மகிழ்வோடு, நாம் விரும்பி தருவதாக இருக்க வேண்டும். எனவே இத்தவக்காலத்தில்
மன்னிப்பு என்னும் பரிசினை மனதார தருவோம்
மன்னிப்போம் மறப்போம்
மகிழ்வுடன் வாழ்வோம்
